如何選擇啱你架車嘅呔壓計？

-

另外，要考慮吓主機嘅擺放位置。

現時出面買到嘅呔壓計主機款式大致有以下款式：

1. 放錶台款式，多數係頂部配有太陽能板

由於機身都有一定體積，而機底往往是平的，所以要考慮吓你視線睇到屏幕嘅位置，係咪有一個較為平嘅地方去放置呢部主機？

-

2. 貼在擋風玻璃款式，貼在擋風玻璃嗰面有太陽能板

太陽能只係輔助充電，就算長擺室外，都始終需要久唔久用USB線充電，而貼咗上擋風玻璃係拎唔返落來充電的，即係要由煙插位 (或者尿袋) 飛條USB線上去插住充，所以擺擋風玻璃最頂好 (最唔阻視線，但充電比較麻煩)，定最底好，要考慮擋風玻璃嘅斜度去決定，架架車都有啲分別

-

3. 煙插位USB充電座款式，不設太陽能板

呢類多數個屏幕係固定而不可調教角度嘅，所以要睇你個煙插位嘅位置啦

-

4. 原車預留後備位加裝款式，不設太陽能板

比較多會出現喺日本車，完全隱藏式安裝，不過需要基本裝拆同駁電功夫，一般用家未必可以或願意自行安裝

-

5. 沒有主機，用手機，平版電腦或Android車機顯示

呢類統一用藍芽sensor，而非射頻sensor，透過外加接收器或直接經藍芽傳輸更新數據以及警示提醒

-

仲有，就係選擇外置或內置嘅sensor制式，詳見本網站另一篇文章 <有關內置-外置安裝制式的常見問題>

-

最後，係設定嘅方便程度

1. 好多時買返來嘅呔壓計，預設顯示單位係Bar，如果支援切換PSI顯示，相信好多用家都會設定返PSI顯示，

2. 最高同最低呔壓數值，系統偵測到超過呢個設定嘅範圍，就會一直發出提示，所以要設定合適嘅水平

3. 更換sensor，有時sensor壞咗需要更換，要重新同主機配對

4. 輪呔掉換位置，有時換呔為咗更用盡套呔，會先換前或後一對，然後前後呔對調，咁樣個sensor就有機會要跟住在主機顯示裡面設定掉位 (特別係內置sensor難以之後自己對調)

- 

設定一般分為直接在主機操作，或者經由專用 IOS/Android 程式操作

當然在操作上有專用程式會方便好多啦，就咁喺部主機set喺好多時候會煩到一個點令你想直接換過套算